متریکس: مرتبه، عنصرونه او ځانګړي ډولونه

متریکس د شمېرو یو مستطیلي جدول دی چې په کمانو کې لیکل کېږي. سطرونه افقي او ستونونه عمودي دي. په منځ کې شمېرې یې عنصرونه بلل کېږي.

مرتبه ښيي چې متریکس څو سطره او څو ستونه لري: لومړی سطر. هغه متریکس چې ۳ سطره او ۴ ستونه ولري، مرتبه یې ۳×۴ ده. د i سطر او j ستون عنصر aᵢⱼ لیکي.

هغه متریکس چې د سطرونو او ستونونو شمېر یې برابر وي مربعي متریکس بلل کېږي. قطر یې له پورتنۍ چپ څخه تر ښکتنۍ ښي خوا ځي. په قطري متریکس کې د قطر بهر ټول عنصرونه صفر وي. واحد متریکس (I) هغه قطري متریکس دی چې پر ټول قطر یې ۱ وي.

متریکسونه دلته له چپ نه ښي خوا ته او په کمانو کې لیکل شوي، لکه څنګه چې د افغانستان په درسي کتاب کې چاپ شوي. له زده کوونکي وپوښتئ: له کومه مو وپېژاند چې کوم عنصر دی؟ د «لومړی سطر، بیا ستون» عادت باید جوړ شي.